Framdrift

24.05

I går, tirsdag 23.05, var det framføring av bacheloroppgåva. Rapporten er levert og arbeidet er avslutta. Vi ønskjer å rette ein takk til Kjell Johnny Kvamme ved Sunnfjord Energi for ei spennande oppgåve. Vi vil også takke Nils Westerheim, Johannes Møgster og Joar Sande for god hjelp. 

18.05

Bacheloroppgåva er levert! Vi er glade for å kunne sei at vi har levert sluttrapporten i "WISEflow" og plakaten er hengt opp. Vi er nøgde med arbeidet vi har lagt ned i oppgåva. Vi vil takke alle støttespelarar og rettleiarar vi har hatt i samband prosjektet "Kraftverksimulator".

Minner om vår prosjektpresentasjon Tysdag 23.05 kl 12.00. Alle er hjertleg velkomne. 

11.05

Rapporten er no sendt rundt for å få tilbakemeldingar. Vi er ute i god tid for å rekke å korrigere denne før innlevering. Vi vil begynner med førebuing til presentasjon med det same. Pressemelding og plakat er levert til faglærar, der plakat blir skreve ut og hengt opp på skulen i neste veke.

Den 23.mai klokka 12:00 skal vi presentere bacheloroppgåva vi har jobba med dette semesteret. Dei som ynskjer å få med seg dette er hjarteleg velkomne.

04.05

No nærmar det seg slutten for prosjektet når det står igjen 2 veker til rapporten skal vere levert. Vi har den siste tida hatt mykje fokus på rapport. Utkast til pressemelding og plakat er på plass. På den tekniske delen har vi fullført HMI og programmeringa. No står det berre att avsluttande testing av samanspelet.

27.04

Innspurten på bacheloroppgåva er starta! Rapporten er no største prioritet i arbeidet og er godt på veg. Programmeringskode og HMI vert no kopla saman og finjustert før ein gjennomfører sluttest av systemet og utarbeidar dokumentasjon. Utkast til plakat og pressemelding er under arbeid og skal leverast før houvdrapporten. 

20.04

Vi er godt i gang etter påskeferie. No er det fullt fokus på rapportskriving og teikning av skjematikk som skal ligge i rapporten. Designing av HMI nærmar seg ferdig, samstundes som vi optimaliserar PLS programmeringa. Tysdag vert det møte i styringsgruppa med temaet sluttføring av hovudoppgåva. 

06.04

No står Påskeferie for tur, så det blir ei veke opphald frå arbeidet med oppgåva før det er full fart igjen. I det siste har vi brukt tid på programmering parallelt med finpussing av funksjonsbeskrivelsen. Arbeidet med design av HMI er og godt i gang, vi er også komet i gang med rapporten.

30.03

Den siste tida har det stort sett gått i programmering av blokker til kraftverksimulatoren, samt sluttføring av funksjonsbeskrivelse. Neste veke kjem vi til å begynne på HMI programmering som blir sjølve betjeningspanelet for simulatoren. På Onsdag er det og den obligatoriske midtvegspresentasjonen der vi skal presentere oppgåva og fortelje om framdrifta vår så langt i prosjektperioden.  

23.03

Denne veka har gruppa endeleg fått låst innhaldet i funksjonsbeskrivelse om kva komponentar som skal vere med i oppgåva. Vi er nesten i mål med funksjonsbeskrivelsen. Vi har også starta på IO-lister (Oversikt inn- og utgangar på PLS) og er godt i gang med kostnadsoverslag for simulatoren. Programmeringa går også framover. Vi held no på med inntaksluke og ventilsystem.

16.03

Vi er halvveges i prosjektperioden! Etter endringar av oppgåva og utstyr i starten av prosjektperioden, følar vi at vi ligg litt "bakpå" med tanke på dei opprinnelege måla for prosjektet. Vi greier likevel å halde oss innafor eigne tidsfristar for vesentlege punkt i oppgåva. Under møtet i styringsgruppa kom det fram forslag til endringar som gruppa skal følgje opp framover. Vekas gjeremål har bestått av dokumentasjonsskriving for kraftverksimulatoren, med utgangspunkt i Hove kraftverk, samt programmering i TwinCAT for Beckhoff PLS. 

09.03

Sidan sist har vi hatt litt repetisjon innanfor Twincat (Programmeringsoftwaren for Beckhoff PLS). Under sist styremøte vart det vedtatt at vi skal nytte Beckhoff i stadanfor Siemens, sidan deira PLS har ein ferdig modul for å måle likespenning (DC) direkte. Vi slepp då ekstra arbeid med å ha eksternt utstyr slik ein må med Siemens PLS. Utanom repetisjon har vi begynt i det små på å programmere deler av programmet. På den teoretiske sida har gruppa jobba med funksjonsbeskrivelsen og begynt litt på sluttrapporten.

02.03

Denne veka har vi i hovudsak jobba med funksjonsbeskrivelsen til anlegget. Det har vore møte i styringsgruppa, der det vart avgjort at vi skal ta utgangspunkt i dokumentasjon frå Hove kraftverk i Vik. Hove kraftverk har francis turbin, med få spesielle funksjonar. I forbindelse med dette har vi hatt ein gjennomgang av dokumentasjon til kraftverket med rettleiar Nils. Gjennomgang av levert forprosjektsrapport har og vore tema ved begge samlingar. 

16.02
Denne veka har vi har hatt møte med Kjell Johnny Kvamme og Nils Westerheim for å få definert rammene for prosjektet på nytt ettersom vi såg at vi har tatt på oss for mykje arbeid. Vi har komen fram til at vi skal lage ein simulator for eit bestemt kraftverk i staden for å lage ein simulator som kan simulere fleire typar kraftverk. Grunna tidsrammene vil det ikkje vere aktuelt å byggje simulatoren. Endringar av rammene for prosjektet har ført til at vi må endre på framdriftsplanen, milepålar, budsjett og forprosjektsrapport. Vi har jobba spesielt med sistnemnte sidan den har frist på fredag, 17.februar. 

09.02

Denne veka har vi sett på alternativ til kraftelektronikkutstyr, men vi har konkludert med at det bør vere Omicron eller tilsvarande, ettersom dette er mest komplett. I tillegg vil ei alternativ løysing til kraftelektronikk som er samansett av mange ulike komponentar vere veldig tidkrevjande og gå utanfor rammene for prosjektet.

På styringsmøte blei vi einige om å gjennomføre ein siste undersøking om det er mogeleg å styre ein Omicron (testutstyr for vern) via PLS, dersom dette ikkje er mogeleg vil vi vinkle hovudoppgåva i ein annan retning.
Gruppa har elles jobba med forprosjektsrapport som skal leverast i slutten av neste veke. 

02.02

Denne veka har gruppa hatt repetisjon i generatorteori med Frank på Fagskulen i Førde. Vi fekk også praktisk øving i synkronisering av generator mot tilkopling til «fast nett» på elektrolaben.

Vidare har vi undersøkt effektregulatorar, dette fordi vi tenkjer å lage ein simulert generator der vi kan justere spenning direkte frå PLS-en.

På dokumentasjonen har vi arbeidd med forprosjektrapport og funksjonsbeskrivinga, samt justert framdriftsplanen.

26.01

Denne veka har vi arbeida med forprosjektrapport og funksjonsbeskrivinga. I tillegg har vi laga oversikt over dei ulike blokkene vi treng til programmering og samanhengen mellom dei og inn/utgangar. Parallelt med dette har Stig kopla opp eit koplingsbrett for å teste ein komponent som vi kjem til å nytte. Dette kan du sjå meir om under "Bilete". Oppkoplinga er berre eit forsøk. Komponentar for permanent kretskort er under bestilling.

19.01
Vi har denne veka jobb med forprosjektrapport, kartlegging av utstyr for å sette opp eit budsjett og kartlegging av samanhengen mellom dei ulike komponentar vi skal simulere.

16.01

Gruppa har i dag hatt eit oppstartsmøte med Kjell Johnny Kvamme ved Sunnfjord Energi. På møtet såg vi blant anna på kva som burde prioriterast. Det er tatt utgangspunkt i at styringsgruppa skal ha møte kvar 14. dag. 

12.01

Prosjektbeskrivelsen er levert. Det er klargjort for møte med oppdragsgjevar på måndag.

Gruppa har jobba med forprosjektsrapport i fellesskap dei siste dagane, og har no oppnådd planlagt antall timar denne veka og tar dermed helg. 

09.01
Oppstart

Vi fortsetter på oppgåva som vi hadde forstudie på no i haust.

Gruppa fordelar arbeidsoppgåver og begynner på prosjektbeskrivelse.